Reply To: career and good times

#4385
Gautam Roy
Guest

Name-Gautam Roy
Date of birth-07-02-1984
place- Ranchi
Time- 6:00 AM

Meri problem unstable career ko lekar hai.Meri education beech me hi
chut gayi kyuki mere bhaiya music me the aur unhone recording studio
setup kiya tha jisme unhe mera saath chahiye tha. 2007 me maine studio
join kiya lekin 2010 me bhaiya se manmutav ke karan mujhe studio
chorna para.2011 me maine dosto ke saath milkar property developer ka
kaam start kiya,par 2013 tak mujhe bahut nuksaan ho chuka tha.Mera
fund bahut jagah block ho gaya,mujhe wo kaam bhi chorna para.2013 me
maine ek travel agency kholi lekin wo bhi nahi chali aur usme bhi
mujhe nuksaan uthana para.Family walo ne mujhpar shaadi ke liye
pressure dena start kar diya.Lastly maine decide kiya ki main job
karunga.Maine bahut jagah apply kiya,bahut jagah pe mera interview
accha hua unhone mujhe kaha ki call karnge par kahi se call nahi aaya.
Fir maine ek jyotishi ji ko consult kiya.Unhone mujhe Opel,peridot aur
Siloni Gomed pahenne ko kaha, jisme maine Opel aur Siloni Gomed unke
bataye vidhi se dharan kiya lekin aaj ek saal baad bhi main unemployed
hi hoon.Unhone mujhe ye bhi nahi bataya ki meri kundali me aisa kya
hain ki mera career itna unstable hai.Mujhe lagta hain kisi bimari ki
medicine lene se pahle hame us bimari ke bare me doctor se information
jarur leni chahiye.

Mera apke upar bahut vishwas hain,Kripaya apna amulya margdarshan
mujhe pradan kare.

Mere teen sawaal hain.

1.Meri kundli me aisa kya hain ki mera career itna unstable hain?
2.Mujhe kaun se ratna aur kitna weight dharan karne chaiye?
3.Mujhe kis disha me career chunna chaiye aur kaun sa grah mere career
ke liye sabse importent hain?

Kripya apka amulya margdarshan pradaan kare.
Main apke uttar ki asha me hoon.

Dhanyawad